Main Menu

ጠ/ሚ ዶ/ር አብይ በኢሕአዴግ ስራ አስፈፃሚ ስብሰባ ላይ ክፉኛ አስጠነቀቁ!

Abiye Ahmed
ዛሬ በተጀመረው 36 አባላትን ብቻ በያዘው የኢሕአዴግ ስራ አስፈፃሚ ኮሚቴ ስብሰባ ላይ ከዚህ በኋላ በአገራችን ላይ እየተሠራ ያለው አገርን የማተራመስ ድራማ ሊቀጥል አይገባውም ሲሉ አስጠነቅቀዋል።
 
እየተሠራ ያለው አገርን የማተራመስ ድራማ በአስቸኳይ የማይቆም ከሆነ ሕዝብንና አገርን ለማዳን ሲባል መንግስት የማያዳግም እርምጃ ለመውሰድ የሚገደድ መሆኑን በማለት ጠንካራ ቃላቶችን በመጠቀም ተናግረዋል።
 
ጠ/ሚ ዶ/ር አብይ በኢትዮ-ሱማሌ፣ በቤንሻንጉል ጉሙዝና በድሬዳዋ እንዲሁም ከአገር አልፎ በጎረቤት አገር በጅቡቲ በሚኖሩ ኢትዮጵያዊያን ላይ እየተደረገ ባለው ማፈናቀልና ጭፍጨፋ እነማን እንዳሉበት መንግስት ጠንቅቆ ያውቃል፣ አስፈላጊም ከሆነ በስም ጠርቶ መናገር ይቻላል። ሲሉ ቁጣ በተሞላበት ቃል አንድ በአንድ በስራ አስፈፃሚው ፊት ሲሰረግፉት አንድም ባለስልጣናት ማስተባበያ ለመስጠት የደፈረ አልነበረም።
 
ጠ/ሚ ዶ/ር አብይ መንግስት እስካሁን የታገሰው ለሚፈሰው ደምና መፈናቀል ባለማሰብ ሳይሆን ይህን አስነዋሪ ስራ ተደራጅተው የሚሰሩ ሠዎች ከድርጊታቸው ተፀፅተው ይመለሳሉ በሚል ትዕግስት እንጅ ማንም ስለተፈራ አይደለም።
 
እንደዚህ አስበው ከሆነ ተሳስተዋል፣ አሁንም ከድርጊታቸው ለመመለስ አልመሸባቸውም፤ ግን መንግስት ዜጎችን ለመጠበቅ ኃላፊነትና ግዴታ ስላለበት ሕግንና ስርዓትን የማስከበሩን ስራ ይሠራል ብለዋል።
 
አቶ ደመቀም ሲናገሩ አሁን እየታየ ያለውን ለውጥ ሕዝብ እንጂ ኢሕአዴግ አላመጣውም በመሆኑም ለውጡ ይቀለበሳል ብሎ የሚያስብ ካለ ያ ሰው ወቅቱን መረዳት የማይችል የአእምሮ በሽተኛ መሆን አለበት ሲሉ አስደንጋጭ የሆነ ሚሳኤል ጥለውባቸዋል።
 
አቶ ደመቀ በዚህ አላቆሙም ለውጡ ከዚህ በኋላ ትክክለኛውን መንገድ ስለያዘ አንዳችም ኃይል ሊያሰቆመውና ሊያደናቅፈው አይችልም ይልቁን ከዚሁ ለውጥና ከሕዝቡ ጋር መቆም ያዋጣናል ሲሉ ሕወሓትን በአሽሙር ሸንቁጠዋየዋል።
 
በዚህ ስብሰባ የብአዴኑ አቶ ገዱም ቢሆን ወልቃይትን፣ ራያን፣ ኮረምና ሌሎች አወዛጋቢ ቦታዎችን በተመለከተ የተዋጣለት ታሪካዊ ንግግር አድርገዋል።
Spread the news
  • 950
    Shares


Leave a Reply

Your email address will not be published. Required fields are marked as *

*