Main Menu

ጠቅላይ ሚኒስትር ዶ/ር አብይ በነገው ሰልፍ ላይ ይገኛሉ

Dr. Abiy Ahmed

የኢፌዴሪ ጠቅላይ ሚኒስትር ዶክተር አብይ አህመድ ወደ ኃላፊነት ከመጡ በኋላ ላመጧቸው ለውጦች ድጋፍ እና እውቅና መስጠትን ዓላማ ባደረገው በነገው የአዲስ አበባ ሰልፍ ላይ ይገኛሉ።

የመንግስት ኮሙዩኒኬሽን ጉዳዮች ፅህፈት ቤት ኃላፊ ሚኒስትር አቶ አህመድ ሽዴ ዛሬ በወቅታዊ ጉዳዮች ላይ መግለጫ ሲሰጡ እንደተናገሩት፥ ጠቅላይ ሚኒስትር ዶ/ር አብይ አህመድ በሰልፉ ላይ እንዲገኙ የተጋበዙ ሲሆን እሳቸውም ተገኝተው ንግግር ያደርጋሉ።

ሚኒስተሩ በመግለጫቸው ከህብረተሰቡ የሚነሱ የፍትህ፣የዲሞክራሲያዊና የመልካም አስተዳደር ጥያቄዎችን መንግስት ከቅርብ ጊዜ ወዲህ ተገቢውን ምላሽ እየሰጠ ይገኛል ብለዋል።

የህብረተሰቡን ሰላም አብሮነት፣ መደመርን የሚያሳድጉና ሀገራዊ የአንድነት መንፈስ እንደተፈጠረ የተናገሩት አቶ አህመድ ከፍተኛ የህዝብ መድረኮች በመፍጠር የጋራ መግባባት ላይ ተደርሷል።

ሰላማዊ ሰልፉ የሁሉም ህብረተሰብ እንጂ የዘር ፣ቀለም፣ ሃይማኖት እንዲሁም የየትኛወም ፖለቲካ አመለካከት የሚራመድበት አለመሆኑን ጠቁመዋል። የሰልፉ ዋና ዓላማ በሀገሪቱ አሁን ላይ የመጣውን ለውጥ በማበረታታት እውቅና መስጠት ነው።

በአጠቃላይ ጠቅላይ ሚኒስትሩ ኢትዮጵያውያን ከጎናቸው መሆናቸውን ለማረጋገጥ ያለ ልዩነት የሚሳተፉበት እንደሚሆንም ይጠበቃል።

በዚህ ሰልፍ ኢትዮጵያ ቀጣይ ሰላሟ እንዲረጋገጥ መላው ኢትዮጵያውያን በዚህ ሰልፍ ላይ በመሳተፍ አጋርነታቸውን እንዲያሳዩም ነው ኮሚቴው የጠየቀው።

ሰልፉ ነገ ቅዳሜ ከጠዋቱ 1 ሰዓት ጀምሮ በመስቀል አደባባይ እንደሚካሄድ እና ከመዲናዋ በተጨማሪ በአዲስ አበባ ዙሪያ የሚገኙ ነዋሪዎች ይሳተፋሉ ተብሎ እንደሚጠበቅ ተገልጿል።

Spread the news
  • 136
    Shares


Leave a Reply

Your email address will not be published. Required fields are marked as *

*