Main Menu

የኤርትራ መንግሥት ከፋተኛ የልኡካን ቡድን በዚህ ሳምንት አዲስ አበባ ይገባል

eritrea የኤርትራ

የኤርትራ መንግሥት ከፋተኛ የልኡካን ቡድን በዚህ ሳምንት አዲስ አበባ እንደሚገባ የውጭ ጉዳይ ሚኒስቴር ገለፀ።

የኤርትራው ፕሬዚዳንት ኢሳያስ አፈወርቂ ባሳለፍነው ሳምንት በድንበር ጉዳይ ላይ የሚነጋገር የሀገራቸውን ልዑክ ወደ አዲስ አበባ ለመላክ ማሰባቸውን መናገራቸው ይታወሳል።

ይህንን ተከትሎ ነው የኤርትራ መንግስት ከኢትዮጵያ ጋር ገንቢ ውይይት የሚያደርግ ከፍተኛ ልዑኩን በዚህ ሳምንት ወደ አዲስ አበባ የሚልከው።

የኢህአዴግ ስራ አስፈፃሚ ኮሚቴ ባለፈው ግንቦት ወር መጨረሻ ባካሄደው ስብሰባ የኢትዮ- ኤርትራ ወቅታዊ ሁኔታን በመገምገም፥ ኢትዮጵያ የአልጀርሱን ስምምነትና የድንበር ኮሚሽኑን ውሳኔ ያለ ምንም ቅድመ ሁኔታ ተቀብላ ለመተግበር መስማማቷን መግለጹ ይታወሳል።

ይህን ተከትሎም በኢትዮጵያና ኤርትራ መካከል ተፈጥሮ የቆየው አለመግባባት እንዲያበቃና በሁለቱ ወንድማማች ህዝቦች መካከል ዘላቂ ሰላም እንዲፈጠር ጥሪ ማቅረቡም የሚታወስ ነው።

Spread the news
  • 73
    Shares


Leave a Reply

Your email address will not be published. Required fields are marked as *

*