Main Menu

የአርበኞች ግንቦት 7 ታጋዮች ህወሃት ባሰማራቸው ወታደሮች ላይ ጥቃት ፈጸሙ።

አርበኞች ግንቦት7

መጋቢት 07/2010 ዓ.ም. ከለሊቱ 8:00 ሰዓት ሲሆን በሰሜን ጎንደር ዞን አርማጭሆ ወረዳ ከሳንጃ ከተማ በቅርብ ርቀት ላይ የአርበኞች ግንቦት 7 ታጋዮች ባደረሱት ጥቃት 5 ወታደሮች ተገድለው 4 ቆስለዋል።
ህወሃት ያሰማራቸው ወታደሮች ከፈረስ መግሪያ ካምፕ በመነሳት ወደ ሳንጃ ከተማ ለመሄድ አንድ ቡድን (11 ወታደሮች) ሆነው መንቀሳቀሳቸው መረጃ የደረሳቸው ታጋዮች ህዝብን ከጥቃት ለመከላከል አድፍጠው በመጠበቅ ወታደሮቹ ወደ ሳንጃ ከተማ ሊገቡ ሊሉ ነው ጥቃቱን የፈጸሙት።

በጥቃቱ የተገደሉት እና የቆሰሉት ወታደሮች መጋቢት 08/2010 ዓ.ም. ከጥዋቱ 1፡00 ሰዓት ላይ ከመንገድ ተነስተው ተወስደዋል። የህወሃት ወታደሮች የአካባቢውን ህብረተሰብ ጥቃቱን የፈጸሙትን አጋልጡ በማለት በማዋከብ ላይ ናቸው።
ይህ በዚህ እንዳለ በዳባት ወረዳ በአጅሪ ጃኖራ ህዝብና የህወሃት ወታደሮች ተፋጠው ይገኛሉ። አርበኞችም ህዝብን ከጭፍጨፋ ለመታደግ በአካባቢው እየተንቀሳቀሱ ነው።

ድል የህዝብ ነው!

 

Spread the news
  • 190
    Shares


Leave a Reply

Your email address will not be published. Required fields are marked as *

*