Main Menu

የመኪናውን ገልባጭ በማንሳት ተሳፋሪዎችን እንደ አፈር የገለበጠው አሽከርካሪ በቁጥጥር ስር ዋለ

Ethiopia

በደቡብ ጎንደር አስተዳደር ዞን በፎገራ ወረዳ የመኪናውን ገልባጭ በማንሳት ተሳፋሪዎችን እንደ አፈር የገለበጠው አሽከርካሪ በህግ ቁጥጥር ስር መዋሉን የፎገራ ወረዳ ፖሊስ ጽ/ቤት አስታውቋል፡፡

የጽህፈት ቤቱ ሃላፊ ዋና ኢንስፔክተር ደግ አረገ መሰለ እንደገለፁት በክርስትና እምነት ተከታዮቹ ዘንድ በየዓመቱ ግንቦት 12 የሚከበረው የቅድስት ክርስቶስ ሰምራ በዓል ለማክበር ከተለያዩ የሀገሪቱ ክፍሎች የሚመጡ ምዕመናን በዓሉን አክብረው ሲመለሱ በቀን 12/09/2010 ዓ/ም የሰሌዳ ቁጥር ኮድ 3.83913 ኢት የሆነ ሴኖትራክ የደረቅ ጭነት መኪና ከ30-40 የሚሆኑ ሰዎችን የጫነ ቢሆንም በዋጋ አለመግባባት ምክንያት ሰዎችን እንደ አፈር ገልብጦ በመጣል ጉዳት ማድረሱን አስታውቀዋል ፡፡

እንደ ዋና ኢንስፔክተር ደግ አረገ ገለፃ በህብረተሰቡ በደረሰን መረጃ መሰረት የምርመራ ቡድን በማቋቋም በ15/09/2010 ዓ/ም ተጠርጣሪውንና መኪናው በቁጥጥር ስር የዋለ ሲሆን አስፈላጊውን የማጣራት ስራ በመስራት ለፍርድ እንደሚያቀርቡና በቅርቡ ለህብረተሰቡም የተደረሰበትን እንደሚያስታውቁ አብራርተዋል ፡፡

ከተሳፋሪዎች መካከል አንድ ግለሰብ በጉዳቱ ምክንያት ህክምና ላይ እንደሚገኝ ሃላፊው ጨምረው ገልፀዋል ፡፡ መረጃው የወረዳው የመንግስት ኮምንኬሽን ጉዳዮች ጽ/ቤት ነው፡፡

Spread the news
  • 86
    Shares


Leave a Reply

Your email address will not be published. Required fields are marked as *

*