Main Menu

ወዴት እየሄድን ነዉ? መሠረታዊ ጥያቄ!

ወዴት እየሄድን ነዉ? ታዬ ደንደአ

ለዉጥ ግልፅ እና አጭር አጀንዳ ሊኖረዉ ግድ ነዉ። ያለበለዚያ ግራ መጋባት ይመጣል። አሁን በርካታ ሰዎች ጥያቄ አላቸዉ። “ጉዟችን ወዴት ነዉ?” ሲሉ ይጠይቃሉ። ትክክለኛ ጥያቄ ነዉ። መልስ ያስፈልጓል።

መሬት ለአራሹ የደርግ መሠረታዊ አጀንዳ ነበር። ሌሎች ጉዳዮች የዚያ ደጋፊ ወይም ተቀፅላ ነበሩ። በኢህአደግ ጊዜ ደግሞ የብሔሮች መብት እና ራስን በራስ ማስተዳደር የሁሉም ፖሊሲዎች እና ፕሮግራሞች ማጠንጠኛ ነበር። በዝያ ማዕቀፍ ዉስጥ ያልተነሳ ነገር የለም። እኩልነት፥ ዴሞክረሲ፥ ሠላም፥ ልማት፥ የጋራ መብት፥ የግል መብት እና ፍትህ በሰፊዉ ተወርቷል። ስለሁሉም ከበቂ በላይ ሰምተናል። የተባለዉ ነገር በአግባቡ ተግባራዊ አለመደረጉ ብቻ ሳይሆን ሁሉንም ነገር በመነካካት ብዥታ መፍጠሩ ነዉ። በዴሞክራሲ ስም አምባገነንነት ሰፍኖ የዜጎችን እምነት ሸርሽሯል። በአንድነት ስም መገለል ተፈጥሯል! በእኩልነት ስም አንደኛ፥ሁለተኛ እና ሦስተኛ ደረጃ ዜግነት ተፈጥሯል!

አሁን ብዥታዎችን ማጥራት ያስፈልጋል። መንገዳችን እና ግባችን ግልፅ ነዉ። አቅጣጫችንን የሚጠቁመዉ የህዝቡ መሠረታዊ ጥያቄ ነዉ። ህዝባችን ሲጠይቅ የነበረዉ እዉነተኛ ዴሞክረሲ፥ እዉነተኛ ፌዴራሊዝም፥ እዉነተኛ እኩልነት፥ እዉነተኛ አንድነት፥ እዉነተኛ ልማት እና ፍተሓዊ ተጠቃሚነት ነዉ። እየሄድን ያለነዉ እነዝህን ጥያቄዎች ለመመለስ ነዉ። በአጭሩ የዜጎቿ ክብር፥ እኩልነት ፥ነፃነት እና አንድነት የተረጋገጠባት ዴሞክራሲያዊት ፥ ፌዴራላዊት እና የበለፀገች ኢትዮጵያን መገንባት ህልማችን ነዉ! ለስኬቱ በጋራ እንስራ!
ሠላም ዋሉ!

ታዬ ደንደአ

Spread the news
  • 121
    Shares


Leave a Reply

Your email address will not be published. Required fields are marked as *

*