Main Menu

ክብርት ቀዳማዊት እመቤት ወ/ሮ ዝናሽ ታያቸው የአማኑኤል ስፔሻላይዝድ የአእምሮ ህክምና እና የሃምሊን ፊስቱላ ሆስፒታሎችን ጎብኙ

ዝናሽ ታያቸው

ቀዳማዊት እመቤት ወይዘሮ ዝናሽ ታያቸው የአማኑኤል ስፔሻላይዝድ የአእምሮ ህክምና ሆስፒታል እና ሀምሊን የፊስቱላ ሆስፒታልን ጎብኝተዋል።

ከቀዳማዊት እመቤት ወይዘሮ ዝናሽ ታያቸው ጋርም የኢፌዴሪ ጤና ጥበቃ ሚኒስትር ዶክተር አሚር አማን ሆስፒታሎቹን ተዘዋውረው ጎብኝተዋል።

በጉብኝቱ ወቅት በሁለቱም ማዕከላት ስለሚሰጡት የጤና አገልገሎቶች ለቀዳማዊት እመቤት ወይዘሮ ዝናሽ ታያቸው ገለፃ ተደርጎል።

ቀዳማዊት እመቤት ወይዘሮ ዝናሽ ታያቸው በቅርቡ ይፋ ባደረጉት የጽህፈት ቤታቸው የትኩረት አቅጣጫ ላይ ሴቶች ደህንነት ዙርያ በተለይም ያለእድሜ ጋብቻ፣ ጠለፋ፣ ተገዶ መደፈር እና የሴት ልጅ ግርዛትን ለመከላከል በቁርጠኝነት እንደሚሰሩ ገልፀዋል።

በተጨማሪም በአዕምሮ ህመም ሳቢያ ለተለያዩ አካላዊና ጾታዊ ጥቃት የሚጋለጡ ዜጎች ተገቢውን የጤና ክብካቤ እንዲሁም የህግ ድጋፍ እንዲያገኙ በትጋት እንደሚሰሩ መግለፃቸው የሚታወስ ሲሆን፥ የዛሬው ጉብኝታቸውም የትኩረት አቅጣጫቸው አካል ነው።

ቀዳማዊት እመቤት ወይዘሮ ዝናሽ ታያቸው በቅርቡ በአዲስ አበባ ከተማ በመንግስት 1ኛ.ደረጃ ትምህርት ቤቶች እየተካሄደ ያለውን የተማሪዎች የምገባ ፕሮግራምን በአራት ትምህርት ቤቶች ተገኝተው መጎብኘታቸውም ይታወሳል።።

የተማሪዎች ምገባ ለተማሪዎቹ የትምህርት አቀባበልና ውጤታማነት ከፍተኛ አስተዋጾ የሚያደርግ በመሆኑ ፕሮግራሙን አጠናክሮ ለማስፋፋት ከሚመለከታቸው አካላት ጋር ውይይት መጀመራቸውን ከቀዳማዊት እመቤት ጽፍሀት ቤት ያገኘነው መረጃ ያመለክታል።

Spread the news
  • 89
    Shares


Leave a Reply

Your email address will not be published. Required fields are marked as *

*