Main Menu

ኦህዴድና ኦነግ ለህግ የበላይነት መከበር እንደሚሰሩ አስታወቁ

ኦህዴድና ኦነግ ለህግ የበላይነት መከበር እንደሚሰሩ አስታወቁ

ሀገሪቱን ወደ ትክክለኛ ዲሞክራሲ ለማሸጋገር በሚደረገው ጥረት የሚታዩትን   ህገ-ወጥነትና የስርአት አልበኝነት ተግባራት ለመከላከል  እንዲሁም ለህግ የበላይነት መከበር  እንደሚሰሩ   ኦህዴድ እና ኦነግ አስታወቁ።

የኦህዴድ ማዕከላዊ ኮሚቴ ፅህፈት ቤት የገጠርና ፖለቲካ ዘርፍ አደረጃጀት ሀላፊ አቶ አዲሱ አረጋ እና የኦነግ ቃል አቀባይ አቶ ቶሌራ አደባ በጋራ በሰጡት ጋዜጣዊ መግለጫ ሰጥተዋል።

በዚህ ወቅት በኦነግ ስም የሚደረጉ  ህገ ወጥ ድርጊቶች እና የክልሉን  የፖለቲካ ሽግግር ለማደናቀፍ  የሚደረግ    እንቅስቃሴ የህግ የበላይነትን ማስከበር በሚችልበት መንገድ ወደ ትክክለኛ አካሄድ አንዲመለሱ እንሰራለን ብለዋል።

አቶ አዲሱ አረጋ ኦህዴድ በሩቅ የመጠላላት፣ የመጠላለፍ እና የመገፋፋት የፖለቲካ ባህል የኦሮሞን ህዝብ ቁስል ከመሻር ይልቅ እየመረቀዘ እንዲቆይ የሚያደርግ በመሆኑና  ጥቅም እንደሌለው መተማመን ላይ በመድረስ  ወደ ትክክልኛ ዲሞክራሲ ተሸጋግሯል ብሏል።

የኦሮሞ ህዝብ ትግል ወሳኝ ምእራፍ  በደረሰበት በዚህ ወቅት   በህዝብ ስም የሚካሄዱ ህገ ወጥ ድርጊቶች ፣ በትምህርት ቤቶች ላይ የሚደርሱ ጉዳቶች ፣ በኦነግ ስም የሚደረግ ዘረፋ እና የሰው ህይወት መጥፋት በህግ መፍትሄ ማግኘት አለበት ብለዋል በጋር በሰጡት መግለጫ።

ኦነግ ቃል አቀባይ አቶ ቶሌራ አደባ በበኩላቸው፥ ኦነግ እንደ አንድ የኦሮሞ ፓርቲ የተደራጀው  የኦሮሞን ህዝብ ሰላም ለማወክ ሳይሆን የህዝብ የሰላም እና ዲሞክራሲ ጥያቄ ለመመለስ እንደሆነ ገልፀዋል።

በመሆኑም የኦሮሞን ህዝብ ትግል የሚያደናቅፍ ማንኛውንም ህገወጥ ድርጊት ድርጅቱን  እንደማይወክለው ገልጸዋል።

ከመንግስት ጋር በተደረገው ስምምነትም የተኩስ አቁም ማድረጋቸውን የገለጹት ቃል አቀባዩ፥ ከስምምነቱ በኋላ የኦነግ ጦርንም ሆነ አባላቱ ወደ ትክክለኛ ዲሞክራሲ የሚደረገውን ሂደት እንዳያደናቅፉ አቅጣጫ ሰጥተናል ብለዋል።

በአንድንድ አካባቢዎች የሚታዩ ህገ ወጥ ድርጊቶች በኦነግ ስም የኦሮሞን ህዝብ ትግልን ለማዳከም  መሆኑን  አቶ ቶሌራ ተናግረዋል።

የህዝቡን ሰላም እና ደህንነት የሚያደፈርስ አባል ካለ ለህግ እንዲቀርብ በማድረግ የህግ የበላይነት እንዲከበር እንሰራለን ሲሉ ገልፀዋል።

Spread the news
  • 88
    Shares


Leave a Reply

Your email address will not be published. Required fields are marked as *

*