Main Menu

በአዲስ አበባ የመሬት፣ የቀበሌ እና ኮንዶሚኒየም ቤቶች እንዲሁም ህንፃዎች የኦዲት ስራ ተጀመረ

በአዲስ አበባ የመሬት፣ የቀበሌ እና ኮንዶሚኒየም ቤቶች እንዲሁም ህንፃዎች የኦዲት ስራ ተጀመረ።

በአዲስ አበባ፣ ነሐሴ 16፣ 2010 ዓ, ም በአዲስ አበባ የመሬት፣ የቀበሌ እና ኮንዶሚኒየም ቤቶች እንዲሁም ህንፃዎች የኦዲት ስራ ተጀመረ።

ይህም በህገወጥ መንገድ የተያዙ ቤቶችን በመዲናዋ ለሚገኙ ዝቅተኛ እና መካከለኛ ገቢ ላላቸው የህብረተሰብ ክፍሎች ለማስተላለፍ ያግዛል ተብሏል።

የአዲስ አበባ ምክትል ከንቲባ ወይዘሮ ዳግማዊት ሞገስ ዛሬ በሰጡት መግለጫ፤ የቆጠራ ስራውን ለማወክ ጥረት የሚያደርጉ አካላት መኖራቸውን ገልፀው፤ ህብረተሰቡም በህገወጥ መንገድ የተያዙ መሬቶችን እና ቤቶችን በተመለከተ ያለውን ጥቆማ ለአስተዳደሩ እንዲያደርስ አሳስበዋል።

ምክትል ከንቲባ ወይዘሮ ዳግማዊት ከጸጥታ ጋር በተገናኘም አንዳንድ ነጥቦችን ያነሱ ሲሆን የተጀመረውን ህብረተሰቡን ተጠቃሚ የማድረግ እና አሁን እየታየ ያለውን ሀገራዊ ተስፋ ለማደናቀፍ እንዲሁም የመዲናውን ሰላም ለማደፍረስ ሙከራዎች እየተደረጉ መሆኑን የሚያሳዩ ምልክቶች እየታዩ መሆናቸውን ጠቅሰዋል፡፡

በዚህም ህብረተሰቡ ከአስተዳደሩ ጎን በመቆም ድርጊቱን እንዲከላከል ለሚመለከታቸው የፖሊስ አካላት እንዲያሳውቅ ጠይቀዋል።

ሰሞኑን በርካታ ህገወጥ መሳሪያ ሲዘዋወር በህብረተሰቡ ጥቆማ በቁጥጥር ስር መዋሉን ያስታውሱት ወይዘሮ ዳግማዊት በቀጣይም ነዋሪው የሚያያቸውን አጠራጣሪ ነገሮች ለፖሊስ ጥቆማ በመስጠት እንዲተባበርም አሳስበዋል።

ቤታቸውን የሚያከራዩ ነዋሪዎችም የተከራዮችን ማንነት ሊያጣሩ እና ተገቢውን መረጃ ሊይዙ እንደሚገባ ገልጸዋል፡፡

ምክትል ከንቲባዋ በመግለጫቸው ላይ በዚህ ሳምንት በክፍለ ከተማ ደረጃ ያሉ ዋና ዋና አመራሮች እንደአዲስ እንደሚዋቀሩም አስታውቀዋል።

በተጨማሪም በከተማ ደረጃ የተጀመረው ሪፎርም እስከ ወረዳ እንደሚዘልቅ በተገለጸው መሰረት ከአዲስ ዓመት በፊት በወረዳ ደረጃ ያለው አመራር በአዲስ አደረጃጀት ተዋቅሮ እንደሚጠናቀቅም ምክትል ከንቲባዋ ገልጸዋል፡፡

ምንጭ፡ ኤፍ፣ቢ፣ሲ

 

Spread the news
  • 400
    Shares


Leave a Reply

Your email address will not be published. Required fields are marked as *

*