Main Menu

በሞያሌ የተፈፀመው ጭፍጨፋ ታቅዶ የተከናወነ እንደነበር የኦሮሚያ ኮምዩኒኬሽን ኃላፊ ገለጹ

በኦሮሚያ ክልል የፍትህ ቢሮ እና ኮምዩኒኬሽን ኃላፊ የሆኑት አቶ ታዬ ደንደአ ባለፈው ቅዳሜ ቦረና ዞን ሞያሌ ከተማ የመከላከያ ሰራዊት በሰላማዊ ሕዝብ ላይ የፈፀመው ጥቃት ታቅዶ እና ተቀነባብሮ የተፈፀመ ወንጀል ነው ሲሉ ድርጊቱን አወገዙ። በኦሮሚያ ክልል ቦረና ዞን ሞያሌ ከተማ ሸዋ በር በሚባል አካባቢ የመንግስት ወታደሮች በነዋሪዎች ላይ ተኩስ ከፍተው ከ10 በላይ መግደላቸውና ከ12 በላይ ማቁሰላቸው ይታወሳል ።

ግድያውን ተከትሎ የአስቸኳይ ጊዜ ኮማንድ ፖስት ተወካይ ሌተናል ጀነራል ሐሰን ኢብራሂም በአገዛዙ ቴሌቪዥን ጣቢያ ቀርበው በሰጡት መግለጫ የተሳሳተ መረጃ በመያዝ የተፈጠረ ግጭት ነው ሲሉ ነበር የገለፁት ።

የኮምኒዩኬሽን ኃላፊው አቶ ታዬ ደንደአ ይህ መግለጫ ሕዝብን የመስደብ ያህል ነው በማለት አጣጥለውታል። እንደውም የመንግስት ወታደሮች ሰላማዊ ነዋሪዎችን አንበርክከው በጭካኔ መግደላቸውን ለማረጋገጥ መቻሉን የኮምኒዩኬሽን ኃላፊው ለዶች ቬሌ በሰጡት አስተያየት ገልፀዋል።

የሞያሌ ከተማ ነዋሪዎች የደህንነት ስጋት ስለደረባቸው ወደ ጎረቤት አገር ኬኒያ በመሰደድ ላይ ናቸው። እስካሁን ከ50 ሺህ በላይ ነዋሪዎች በመንግስት ወታደሮች የሚፈፀመውን ግድያ በመሸሽ ተሰደዋል። የኬንያ ቀይ መስቀል እርዳታ እያደረገላቸው እንደሆነ ለማወቅ ተችሏል።

Spread the news
  • 248
    Shares


Leave a Reply

Your email address will not be published. Required fields are marked as *

*