Main Menu

መታወቂያ ላይ ስለሚገለፅ (ወይም ስለማይገለፅ) ማንነት ጉዳይ

መታወቂያ ላይ ስለሚገለፅ (ወይም ስለማይገለፅ) ማንነት ጉዳይ

የፊንፊኔ አስተዳደር (ተመርጦ ዴሞክራሲያዊ ሥልጣንና የሕዝብ ማንዴት ሲጎናፀፍ) በመታወቂያ ላይ ማንነታቸው እንዳይገለፅ ለሚፈልጉ ሰዎች መብታቸውን አክብሮ ፍላጎታቸውን ማሟላት ይገባዋል። ነገር ግን ማንንምማንነትህ ይህ ነው እንጂ አይደለምለማለት አይችልም። ነዋሪዎች፣ በማንነት ቦታ ዜግነትን (ማለትም ኢትዮጵያዊነትን) እንደማንነት በግድ እንዲቀበሉት ማስገደድ ጭቆናን ሕጋዊና መንግሥታዊ ማድረግ ነው።

በኢትዮጵያ ማንነት ሥም፣ የሃበሻን ማንነት ከዜግነት ጋር በማምታታት ድብቅእና ባልተገባ መንገድ የአንድ ቡድንን ማንነት ወደአገራዊ ማንነት ማሳደግመሞከር፣ በሌሎቹ የኢትዮጵያ ሕዝቦች ላይ ይኼን የእነሱ ያልሆነ ማንነት መጫን ነው። ይሄን በማድረግ ከተማው ውስጥ ያለውን ሰው ሁሉ ከዜግነት የተለየ ማንነት የለውም ብሎ መበየን፣ የከተማውን ባለቤቶች ማንነት መካድና የሰፋሪ ነዋሪዎችን ማንነትና መብት ብቻ (በባለቤቶቹ ኪሳራ) ለማስከበር መጣር ነው። ይልቁንም ደግሞ፣ በከተማው ውስጥልዩ ጥቅምየተባለው መብት ተጠቃሚ የሚሆኑ ኦሮሞዎችን፣ ኦሮሞ ማንነታቸውን በማደብዘዝና በማጥፋት (by neutralizing and liquidating through erasure) መብቱን ያለ ባለመብት ለማስቀረት የተወጠነ ተራ የማጭበርበር ሥራ ነው። በመሆኑም፣ መስተዳድሩ ይሄን በመረዳት ማንነትን የመግለፅ (ወይም ያለመግለፅ) መብትን ለሕዝቡ በመተው እራሳቸው የሚገልፁትን ማንነት በመታወቂያቸው ለይ ለማስፈር መዘጋጀት አለበት። አስተዳደሩ የፈለገውን ዓይነት ማንነት ነዋሪዎች ላይ ከመጫን ሊቆጠብ ይገባዋል። ዜጎች ሁሉ የፈለጉትን ማንነት (ኢትዮጵያዊነትንም ጭምር) መታወቂያዎቻቸው ላይ እንዲገለፅ የመፍቀድ(ወይም ያለመፍቀድ) መብታቸውን እንዲጠቀሙ ሊፈቀድላቸውም፣ ሊበረታቱም ይገባል። ኦሮሞዎች ግን ኦሮሞነታቸውን መግለፅ፣ ልዩ ጥቅምመብታቸው ተጠቃሚ ለመሆን እንዲቻል ሲባልም፣ እንደ መብት ብቻ ሳይሆን እንደ ግዴታቸውም ሊወስዱት ይገባል። ከዚህ የተለየ አሰራር በመከተልኢትዮጵያዊ ዜግነታችሁን ብቻ እንደማንነታችሁ አስመዝግቡማለት፣ ማንነትን የመሰረዝና ሕዝብን የማጥፋት (elimination through erasure of identity) ተግባር በመሆኑ፣ መስተዳድሩም ሆነ የፌዴራሉ መንግሥት ከዚህ ወንጀል እራሳቸውን ማራቅ ይገባቸዋል። ይሄ ዓይነት አካሄድ የዜጎችን እራስን የመግለፅ (self-identification and self-expression) መብት የሚፃረር ኢሰብዓዊ አካሄድ ነው። ሕገመንግሥታዊም ሕጋዊም ካለመሆኑም ባሻገር ፍፁም ጨቋኝነትና ዘርአጥፊነት ነው።

Tsegaye R. Ararssa

Tsegaye R. Ararssa

I like to die teaching. ...Living on the edge, exploring the borders... in self-estrangement...on exile... never too grounded physically or epistemically...always coming, always longing to arrive...ever in love with words...trying to find voice in/through them...trying to make sense,...ever trying to see the light, and to comprehend the same, and to find utterance...to enchant. ...and more...for there is always more in/to life...And the EXIT, yes, the Exit. Perhaps relief at last, arrival, ... finally, in and through EXIT...
Spread the news
  • 267
    Shares


Leave a Reply

Your email address will not be published. Required fields are marked as *

*